嘩嘩嘩，其實自從奧運以嚟，唔少港人都目睹香港運動員嘅佳績，為香港嘅運動史打破一個又一個嘅紀錄，而就喺尋日，何詩蓓就喺世界短池游泳錦標賽200米自由泳決賽，為香港奪得第一個游泳世界冠軍！
喺東京奧運當中奪得兩銀嘅何詩蓓，其實喺奧運之後就一直狀態大勇，連續拎到多個獎項，甚至仲喺上個月底拎游出1分50.65秒新200米亞洲紀錄，距離瑞典名將絲祖唐保持嘅世界紀錄，只差0.22秒。
而何詩蓓始終都唔會令港人失望，喺尋日嘅比賽當中，佢就以1分50.31秒，大熱封后，兼打破世界紀錄，成功為香港游泳史上寫下首個世界紀錄，真係恭喜晒啊！
原圖嚟自網絡